२८ जेठ, काठमाडौं । जनक शिक्षा सामग्री केन्द्रको लापरबाहीका कारण शैक्षिक सत्र सुरु भएको दुई महिना बित्न लाग्दा पनि सबै ठाउँमा पुस्तक पुग्न सकेका छैनन् ।
केन्द्रले चालू शैक्षिक सत्रका लागि विद्यालय तहका पाठ्यपुस्तक छपाइ र वितरण गर्न तोकिएको समय ६ पटक कटाएको छ । शिक्षा विभागले तोकेको पाँच र आफैले तोकेको एक गरी ६ पटक तोकिएको समयमा जनक शिक्षाले पाठ्यपुस्तक छपाइ र वितरण गर्न नसकेको हो अाजको नयाँ पत्रिका दैनिकमा समाचार छ ।
पुस्तक अझै छपाइ भइरहेका छन् । केन्द्रले चैत मसान्तभित्र विद्यालय तहको पाठ्यपुस्तक छपाइ गरिसक्नु पर्ने थियो ।
चालू शैक्षिक सत्रका लागि कक्षा ६ देखि १० सम्मका लागि एक करोड ७७ लाख थान पुस्तक आवश्यक पर्ने संशोधित छपाइ कार्ययोजना केन्द्ले शिक्षा मन्त्रालयमा पेस गरेको थिए ।
तर, २० जेठसम्मका एक करोड १९ लाख मात्र छपाइ सकिएको कर्मचारहिरुले बताएका छन् । यसअघि चैत मसान्तभित्रै पाठ्यपुस्तक विद्यालयहरुमा पुर्याउने दावी जनक शिक्षाको थियो ।
