भदौ ३ गतेबाट रिलिज हुने चलचित्र ‘वीर विक्रम’को दोश्रो गीत सार्वजनिक भएको छ । ‘नजिक हुँदैछु’ बोलको गीतमा चलचित्रका मुख्य कलाकार अनुपविक्रम शाही र दीया पुनलाई फिचर गरिएको छ ।
मिलन चाम्सले निर्देशन गरेको यो चलचित्रले दर्शक हसाँउने र रुवाउने दाबी निर्माणपक्षको छ । यो गीतमा ताराप्रकाश लिम्बुको संगीत छ । तारासँगै प्रविशा अधिकारीको स्वरमा समावेश यो गीतमा निर्मल राइको शब्द छ । गीतलाई रेनशा राइले कोरियोग्राफी गरेकी हुन् ।
राम केसीको छायांकन रहेको चलचित्रमा अर्जुन जीसीको सम्पादन छ । चलचित्रमा दयाहाङ राई, अर्पण थापा, नाजिर हुसेन पनि मुख्य भूमिकामा छन् ।
