२० साउन, काठमाडौं । लिसेस्टर सिटी इन्टरनेशनल च्याम्पियन कपमा बार्सिलोनासँग पराजित भएको छ ।
लुइस स्वरेजको प्ररेणादायी प्रदर्शनको मदतमा बार्सिलोनाले प्रिमियर लिग च्याम्पियन लिसेस्टरलाई ४-२ गोल अन्तरले हराएको हो ।
क्लबको रेकर्ड मूल्य १६ मिलियनमा लिसेस्टर आएका अहमेद मुसाले दुई गोल गरेपनि हार टार्न सकेनन् ।
बार्सिलोनाले २६ औं मिनेटमा मुनिरको गोलबाट अग्रता लिएको थियो । त्यसको आठ मिनेटपछि नै लुइस स्वरेजले अग्रता दोब्बर पारे ।
पहिलो हाफको अन्तिममा मुनिरले दोस्रो गोल गरेपछि बार्सिलोनाले ३-० को अग्रता लियो । दोस्रो हाफमा भने लिसेस्टरका मुसाले ४७ र ६६ औं मिनेटमा लगातार दुई गोल गरे । ८४ औं मिनेटमा रफायल मुजिकाले गोल गर्दै बार्सिलोनालाई ४-२ को जित दिलाए ।
