१७ भदौ, धादिङ । धादिङको गजुरी–५ मा शुक्रबार बिहान पहिरो जाँदा एकजना बालकको मृत्यु भएको छ । मृत्यु हुनेमा स्थानीय ६ वर्षीय बालक राम चेपाङ छन् ।
इलाका प्रहरी कार्यालय गजुरीका अनुसार माथिबाट पहिरो खस्दा उनको घर पुरिएको थियो ।
घटनास्थल पृथ्वी राजमार्गबाट दक्षिणतर्फ महाभारत क्षेत्रमा पर्दछ ।
यसैबीच गएराति परेको वर्षाका कारण आएको बाढीमा म्याग्दीमा ११ वटा घर बगेका छन् । बेनी–जोमसोम सडकखण्ड नजिकै रहेको बेगखोला बस्तीमा पसेको थियो ।