२४ भदौ, काठमाडौं । स्पेनिस दुई ठूला क्लब रियल मड्रिड र एथ्लेटिको मड्रिडमाथि खेलाडी अनुवन्ध गर्न प्रतिवन्ध लागेको छ ।
फिफाले दुई क्लबमाथि अबको दुई सिजन खेलाडी किन्न नपाउने गरी प्रतिवन्ध लगाएको हो । २०१८ को जनवरीसम्म यो कायम रहनेछ । तर, दुबै क्लबसामू खेलसक्वन्धी अदालत जाने मौका छ ।
यसअघि अर्को स्पेनिस क्लब बार्सिलोनामाथि पनि फिफाले यस्तै प्रतिवन्ध लगाएको थियो ।
स्पेनिस क्लबहरुले विदेशमा जन्मिएका १८ वर्ष मुनीका खेलाडीहरुलाई अनुवन्ध गर्ने क्रममा नियम तोडेको फिफाको आरोप छ । फिफाको अनुशासन समिति दुबै क्लबमाथि जनवरीमै प्रतिवन्धको निर्णय गरेको थियो तर, अपिल कमिटीले तत्काल लागू गर्न रोक्यो ।
हालै ट्रान्सफर सिजन सकिए लगतै फिफाको अपील कमिटीले अनुशासन समितिको निर्णय सदर गरेको छ ।
