३ असोज, काठमाडौं । स्पेनिस ला लिगा फुटबलमा रियल मड्रिडले स्पानियोललाई पराजित गरेको छ र, स्पेनिसको माथिल्लो डिभिजनमा लगातार १६ जितको बार्सिलोनाको रेकर्डसँग बराबरी खेलेको छ ।
क्रिष्टियानो रोनाल्डो र ग्यारेथ बेल बिनाको रियल मड्रिडले आइतबार राति भएको खेलमा स्पानियोललाई २-० गोल अन्तरले पराजित गरेको हो ।
स्पानियोलको घरेलु मैदानमा भएको खेलमा रियलले पहिलो हाफको अन्तिम मिनेटमा जेम्स रोडि्रग्वेजको गोलबाट अग्रता लिएको थियो । ७१ औं मिनेटमा करिम बेन्जिमाले गोल गर्दै जित सुनिश्चित गरे ।
रियल मड्रिडको यो सिजन चार खेलमा चौथो जित हो र १२ अंकसहित अंक तालिकाको शीर्ष स्थानमा छ । दोस्रो स्थानमा रहेको बार्सिलोनाको समान खेलबाट ९ अंक छ ।
