२८ कात्तिक, काठमाडौं । नेपाली कांग्रेसको कृष्णप्रसाद सिटौला समूहले नेपाल तरुण दलको अध्यक्षको उम्मेदवार घोषणा गरेको छ । तरुण दलको महाअधिवेशन पोखरामा जारी छ ।
कांग्रेस सभापति शेरबहादुर देउवाले जीतजंग बस्नेतलाई अध्यक्षमा प्रस्ताव गर्दै सहमतिमा नेतृत्व चयन गर्न भनेका छन् । र, रामचन्द्र पौडेल समूहले वीपी पुत्र सिद्धार्थ कोइरालालाई उपसभापति बनाउने गरी सहमति गर्ने संकेत दिएको छ ।
तर, सिटौला समूह भने चुनाव लड्ने निर्णयमा पुगेको छ । आइतबार साँझ सिटौलासहितको उपस्थितिमा भएको बैठकले पूर्व सचिव उत्तमकुमार चापागाईालाई अध्यक्षको उम्मेदवार बनाउने निर्णय गरेको छ ।
आफूहरुले निर्वाचनबाटै नेतृत्व चयन गर्नु पर्ने र छिटो प्रक्रिया सुरु गर्नु पर्नेमा जोड दिएको कांग्रेस नेता प्रदीप पौडेलले बताए ।
