२ मंसिर, काठमाडौं । संविधान संशोधनसहितका विषयमा सहमति जुटाउन प्रमुख तीन दलका शीर्ष नेतहरुको बैठक बालुवाटारमा बसिरहेको छ ।
प्रधानमन्त्री निवास बालुवाटारमा जारी बैठकमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमाले अध्यक्ष केपी शर्मा ओलीसहितका नेता सहभागी छन् ।
पछिल्लो समय दुई पक्षीय छलफललाई तिब्रता दिएका प्रधानमन्त्री र कांग्रेस सभापतिले प्रमुख विपक्षी नेकपा एमालेसँग छलफल गरेका हुन् । बैठकमा सरकारले तयार पारेको भनिएको संविधान संशोधन प्रस्तावमा सहमतिको प्रयास हुने जनाइएको छ ।
