२९ मंसिर, काठमाडौं । संस्कृति पर्यटन तथा नागरिक उड्डेयन मन्त्रालयले हरेक वर्ष जस्तै यस पटक पनि पाँच जनालाई महाकवि देवकोटा पुरस्कार प्रदान गर्ने निर्णय गरेको छ ।
२०६८ सालमा नेपाल सरकारले स्थापना गरेको १ लाख राशीको महाकवि देवकोटा पुरस्कार हरेक वर्ष ५ जना व्यक्तित्वहरुलाई प्रदान गरिन्छ ।
डा. वानिरा गिरी (कविता), कृष्ण गौतम (निबन्ध र समालोचना), परशु प्रधान (आख्यान र नाटक), बासुदेव मुनाल (बाल साहित्य र लोक साहित्य) र नगेन्द्रराज शर्मालाई साहित्य सेवातर्फको पुरस्कारबाट पुरस्कृत गर्ने संस्कृति मन्त्रालयले निर्णय गरेको छ ।
महाकवि देवकोटा पुरस्कार मापदण्ड तथा कायर्र्र्र्िधि बमोजिम गठित पुरस्कार छनौट समितिले गरेको सिफारिसअनुसार मन्त्रीस्तरको निर्णयबाट पुरस्कार दिने निर्णय भएको पर्यटन मन्त्रीका प्रेस सल्लाहकार सुनिल सापकोटाले जानकारी दिए ।
