अमेरिकाको केन्टकीस्थित एक पेट्रोल स्टेशनको नजिकै एक सुनौलो रंगको लेब्राडोर नश्लको कुकुर देखेपछि टायलर विल्सनलाई लाग्यो की त्यो सायद कतैबाट हराएको हो । किनकि केही हप्ता पहिले पनि उनले यहीँ कुकुरलाई सोही ठाउँमा देखेका थिए ।
पेट्रोल स्टेशनमा कारमा पेट्रोल हालिरहेको बेलामा उक्त कुकुर उनको कारको नजिकै आयो । त्यसपछि उनी कुकुरलाई मद्दत गर्न कारबाहिर आए । जब उनले उक्त कुकुरको घाँटीमा ट्याग देखे तब अचम्म माने ।
उक्त आइडी ट्यागमा लेखिएको थियो- मेरो नाम ड्यू हो । म बेपत्ता भएको होइन । मलाई घुम्न मन पर्छ । मलाई घर जाउ भन ।
यस्तो पढ्दा निकै रमाइलो लाग्यो टायलरलाई । त्यसपछि उनले उक्त कुकुरलाई अंकमाल गरी फोटोहरु खिचे । ती तस्वीरहरु उनले टि्वटरमा फोटोहरु शेयर गरे । अनि टि्वट गर्दै लेखे- ड्यूलाई साहसिक कार्य मन पर्छ । जब म पेट्रोल भरिरहेको थिएँ, तब ऊ नजिकै आयो ।
कुकुरसम्बन्धी टायलरको टि्वट निकै भाइरल बन्दै गयो । त्यो सँगै उक्त कुकुरका बारेमा विभिन्न अनौठा तथ्य समेत बाहिर आए ।
उक्त कुकुर लोकल सेलिब्रेटी नै रहेछ । आफ्नो मालिकको ७० एक्कडको हराभरा फार्म छाडेर ऊ गल्लीहरुमा घुम्न निस्किन्छ । उक्त कुकुरको नामबाट ड्युड एडभेन्चर्स नामको फेसबुक पेज समेत खोलिएको छ । जसमा उसको दैनिक यात्रासँग जोडिएका तस्वीर तथा उसबाट कुकुरलाई मिल्ने सुखको भावलाई दर्शाउने गरिन्छ । एजेन्सी
