१२ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’ र प्रमुख विपक्षी दलका नेता एवं नेकपा एमाले अध्यक्ष केपी शर्मा ओलीबीच भेटवार्ता भएको छ ।
संसद बैठक अघि सिंहदवारस्थित सभामुख ओनसरी घर्तीको चम्बरमा प्रचण्ड र ओलीबीच भेटवार्ता भएको हो । भेटमा दुई नेताबीच संविधान संशोधन प्रक्रिया अघि बढाउनेबारे छलफल भएको बताइएको छ ।
सरकारले बिहीबारको संसद बैठकमा संविधान संशोधन विधेयक अघि बढाउन चाहेको छ । तर, एमालेसहितका ९ दलले भने विरोध गर्ने बताउँदै आएका छन् ।
