१९ फागुन, काठमाडौं । चलचित्र क्षेत्रबाट नाम कमाएर राजनीतिमा हामफालेकी नायिका रेखा थापा राप्रपा केन्द्रीय कार्यसमितिको पहिलो बैठकमै सहभागी हुन भ्याइनन् । फिल्म लाइनकै काम परेकाले रेखालाई बैठकमा सहभागिता जनाउने फुर्सद नभएको हो ।
हालै सम्पन्न राप्रपाको महाधिवेशनमा रेखा थापा अत्यधिक मतका साथ केन्द्रीय सदस्यमा निर्वाचित भएकी थिइन् । महाधिवेशनपछिको पहिलो बैठक बिहीबारदेखि पार्टी कार्यालय धुम्बाराहीमा बसिरहेको छ । यो बैठक शुक्रबार पनि जारी रहनेछ ।
केन्द्रीय सदस्य रेखा नेपालगञ्जमा रहेकाले बैठकमा सहभागी हुन नसकेकी हुन् । त्यहाँ उनी दलित र महिलाहरुको पक्षमा बन्न सामाजिक सन्देशमूलक चलचित्र ‘राजारानी’ को कामका लागि पुगेकी हुन् ।
‘चलचित्रको कामले मात्रै होइन, अरु पनि कामहरु छन्,’ रेखाले अनलाइनखबरसँग भनिन्- ‘केही सोसियल काम गर्नुपरेकाले नेपालगञ्ज आउनुपर्यो, त्यसैले यस पटकको बैठकमा सहभागी हुन पाइनँ ।’
कोमललाई हलोभन्दा गाई प्यारो
बिहीबार सुरु भएको राप्रपाको बैठकमा हलो र गाईमध्ये के चुनाव चिह्न रोज्ने भन्ने बहस भएको छ । यो बहसमा सहभागी हुँदै कोमल वलीले पनि बैठकमा बोलिन् । उनले हलोलाई भन्दा गाई लाई नै रोजेकी छिन् ।
उता बैठकमा सहभागी हुन नपाएकी रेखा थापाले पनि गाई नै रोजेकी छिन् । अनलाइनखबरलाई प्रतिक्रिया दिँदै रेखाले भनिन्- ‘म पनि गाईकै पक्षमा छु ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4