२० फागुन, काठमाडौं । काठमाडौंमा दुईदिनसम्म चलेको अन्तर्राष्ट्रिय लगानी सम्मेलनमा अनुमान गरिएभन्दा साढे १२ खर्ब रुपैयाँ बढीको प्रतिवद्धता आएको छ । सरकारले लगानी सम्मेलनबाट १ खर्ब जुट्ने अनुमान गरेकोमा लगानी प्रतिवद्धता भने १३ खर्ब ५२ अर्ब (१३.५२ बिलियन डलर) को आएको हो ।
विभिन्न देशबाट सहभागी २ सय ५० भन्दाबढी विदेशी लगानीकर्ताले नेपालका विभिन्न सम्भाब्य क्षेत्रमा लगानी गर्ने प्रतिवद्धता जनाएका हुन् ।
स्वदेशी लगानीकर्ताहरुले पनि नयाँ ठूला परियोजनाहरुमा लगानीका लागि तत्परता देखाएको आयोजना राष्ट्रिय लगानी बोर्डले उल्लेख गरेको छ । त्यसअुसार झण्डै १३ खर्ब रुपैयाँको लगानी प्रतिद्धता जुटेको हो ।
विभिन्न राजनीतिक दलबाट लगानीलाई सहयोग गर्ने गरी आएको सामूहिक प्रतिबद्धता, लगानीमैत्री नयाँ संविधान र देशमा वर्षौदेखि रहेको उर्जा संकट निवारणउन्मुख भएपछि पनि नेपाल लगानीका लागि उत्सहा देखिएको बोर्डले जनाएको छ ।
विशेषगरी उर्जा, यातायात, कृषि, पर्यटन र सूचना तथा प्रविधि लगायताका पुर्वाधार क्षेत्रमा लगानीका लागि प्रतिबद्धता आएको छ ।
सरकारले सम्मेलनमा उपस्थित लगानीकर्तालाई नेपालमा आउन उचित वातावरण रहेको भन्दै आह्वान गरेको थियो । नेपालको प्रक्रियागत झण्झटलाई हटाउन आग्रह गर्दै कार्यक्रममा उपस्थित लगानीकर्ताहरुले सहज वातावरण बनेमा आफु नेपाल आउन तयार रहेको बताए ।
लगानीकर्ताहरुले सरकारी संयन्त्रबीचको समन्वय अभावका कारण सबैभन्दा बढी समस्या हुने गरेको भन्दै त्यसलाई फुकाउन आग्रह गरेका थिए ।
कार्यक्रममा सम्बोधन गरेका प्रधानमन्त्री, मन्त्री र सरकारी अधिकारीले लगानीका लागि आवश्यक वातावरण तयार गर्न आफूहरु प्रतिवद्ध रहेको बताएका थिए ।
त्यसैकाआधारमा ठूलो परिमाणमा लगानी प्रतिवद्धता आएको छ । विगतमा पनि लगानीका लागि ठूलो प्रतिवद्धता आएपनि विभिन्न प्रक्रियागत तथा नीतिगत झन्झटका करण लगानीकर्ता निरुत्साहित हुने गरेका थिए ।
यसपटक भने राजनीतिक दहलरुले सामूहिक रुपमा लगानीका लागि वातावरण बनाउन कुनै कसर नछोड्ने बताएकाले लगानीकर्तामा उत्साह थपिएको छ ।
यी पनि पढ्नुस्
नेपालमा ८ खर्ब ३० अर्ब लगानी गर्ने चिनियाँ घोषणा, भारतीय प्रतिवद्धता ३१ अर्ब मात्रै
लगानीकर्तालाई ऊर्जामन्त्रीको आह्वान- नेपाल बाँझो जमिन हो, जोत्नुस् र लाभ लिनुस्
लगानीकर्ताले मागे पुँजी भित्र्याउने सहज वातावरण, गभर्नर भन्छन् : नियमनमा कडा हुनैपर्ने बाध्यता
कुलमानले भनेः विहान-बेलुकाको विजुली महंगो र अन्य समयको सस्तो गर्नुपर्छ
५ वर्षभित्र २५ वटा नयाँ तारे होटल खोल्ने सरकारको घोषणा
भाबुक हुँदै उद्योगमन्त्रीले भने-७ खर्ब रेमिट्यान्स भित्र्यायौं, युवाशक्ति र विकास गुमायौं
लगानी सम्मेलनः अनुमानभन्दा साढे १२ खर्ब बढीको प्रतिवद्धता
कोकाकोलाको अनुभवः नेपालमा लगानी गर्दा उच्च मुनाफा
भारतीय अर्थमन्त्रीले भनेः नेपालमा रेल सञ्जाल र प्रशारण लाइन सहयोग प्राथमिकतामा
एयरपोर्ट र ऊर्जामा लगानी गर्नुस्ः देउवा, ओलीले भने-सरकारभन्दा अघि बसेर सघाउँछौं
१० वर्षभित्र नेपाली युवा काम खोज्दै विदेशिने अवस्था हट्छः उद्योगमन्त्री
