१ चैत, काठमाडौं । नेकपा एमालेका वरिष्ठ उपाध्यक्ष बामदेव गौतमले गोविन्द गौतमको हत्या प्रकरणमा सरकारले भारतलाई माफी माग्न लगाउनु पर्ने बताएका छन् । साथै भारतले नेपाललाई एक करोड भारु क्षतिपूर्ति दिनु पर्ने समेत बताए ।
एमालेको मेची महाकाली अभियान अन्तरगत नेपालगञ्जमा आयोजित सभामा पूर्वगृहमन्त्री समेत रहेका गौतमले भने, ‘सरकारले भारतलाई माफी माग्न लगाउनुपर्छ ।’
साथै भारतले नेपाललाई एक करोड भारु क्षतिपूर्ति दिनु पर्ने र यो गोविन्द गौतमको परिवारलाई दिनु पर्ने उनले बताए ।
एमाले नेता गौतमले अघि भने, ‘यो सबैलाई छेकबार गरेर मैले नेपालको जनतालाई थामथुम पारेँ भनेर यो सरकार भारतको चाकरी गर्ने र सरकार टिकाउन लागेको छ ।’
तस्वीरः कमल प्रसार्इं/अनलाइनखबर
