३ वैशाख, उदयपुर, । त्रियुगा नगरपालिका–१० स्थित करमगाछी बस्ने १६ वर्षीय चित्रबहादुर विकको अाइतबार बिहान १० बजे मोबाइल चार्ज गर्ने क्रममा करेन्ट लागेर मृत्यु भएको छ ।
जिल्ला प्रहरी कार्यालयका अनुसार दिदीको घर बजोगिदह– २ मा गएका विकलाई बिहान घरमा मोबाइल चार्ज गर्न लाग्दा अचानक करेन्ट लागेको थियो ।
करेन्ट लागेर बेहोस भएका विकको उपचारका लागि जिल्ला अस्पताल उदयपुर ल्याउने क्रममा बाटैमा मृत्यु भएको प्रहरीले जनाएको छ । अहिले शव परीक्षणका लागि जिल्ला अस्पतालमा राखिएको छ ।
