१७ बैशाख, काठमाडौं । राष्ट्रिय प्रजातन्त्र पार्टीले आगामी बैशाख ३१ गते हुने स्थानीय तहको पहिलो चरणको निर्बाचन हुनेमध्ये १२ जिल्लाका ७१ स्थानीय तहका प्रमुख र उपप्रमुख उम्मेदवार टुंगो लगाएको छ ।

त्यसमध्ये देशकै ठूलो पोखरा लेखनाथ महानगरपालिकाको मेयर पदमा राप्रपाले गिता गुरुङ र उपमेयरमा रमेश खत्रीलाई उठाउने भएको छ । राप्रपाले काठमाडौं, ललितपुर र भरतपुर महानगरको लागि भने उम्मेदवार तोकिसकेको छैन ।

त्यस्तै राप्रपा अध्यक्ष कमल थापाको गृहजिल्ला मकवानपुरको हेटौंडा उपमहानगरको मेयरमा मधु अधिकारीलाई उम्मेदवार बनाउने निर्णय राप्रपाले गरेको छ । उपमेयरको टुंगो लाग्न बाँकी छ ।

राप्रपाले सिन्धुलीका २ नगरपालिका र ५ नगरपालिका, रामेछापका २ नगरपालिका र ४ गाउँपालिका, दोलखाका दुई नगरपालिका, मकवानपुरका १ उपमहानगर, १ नगरपालिका र ७ गाउँपालिका, कास्कीका १ महानगर र ४ गाउँपालिकामा आफ्नो उम्मेदवार घोषणा गरेको छ ।

त्यस्तै म्याग्दीका १ नगरपालिका र ५ गाउँपालिका, बाग्लुङका २ नगरपालिका र ३ गाउँपालिका, रुकुमका ३ नगरपालिका र ६ गाउँपालिका, दैलेखको ३ नगरपालिका र १ गाउँपालिका, जाजरकोटका २ नगरपालिका र ३ गाउँपालिकामा पनि राप्रपाले उम्मेदवार टुंग्याएको छ ।

यस्तै कालीकोटका ३ नगरपालिका र ६ गाउँपालिका तथा मुगुका १ नगरपालिका र ३ गाउँपालिकाका लागि पनि राप्रपाले उम्मेदवार घोषणा गरेको छ ।