२१ बैशाख, कालिकोट । यहाँको रास्कोट नगरपालिकामा नेपाली कांग्रेस र राप्रपाबीच चुनावी तालमेल भएको छ ।
दुवै पार्टीले वैशाख १९ गते दर्ता गराएका उम्मेदवारको नाम फिर्ता लिएर प्रमुखमा नेपाली कांग्रेस र उपप्रमुख राप्रपाले लिने गरी चुनावी तालमेल गरेका हुन् ।
राप्रपाबाट मेयरका उम्म्ोदवार बनेका कालिबहादुर शाही र कांग्रेसकी उपमेयरकी उम्मेदवार भाजना शाहीले उम्मेदवारी फिर्ता लिएका छन् ।
अब नेपाली कांग्रेसका दानबहादुर बम मेयर र राप्रपाका हजा सुनार उपमेयरका लागि एमाले र माओवादी केन्द्रसंग प्रतिस्पर्धा गर्ने छन् ।
कांग्रेस र राप्रपाले वडाहरुमा पनि दुई दलबीच चुनावी तालमेल भएको जनाएको छ ।
