३१ बैशाख, काभ्रे । काभ्रेको नमोवुद्ध नगरपालिका-४ को दुईवटा केन्द्रमा अझै मतदान सुरु हुन सकेको छैन । शनिबार राति नवराज पाठकको हत्या भएको घटनाको कारण मतदान सुरु हुन नसकेको हो ।
नमोबुद्ध नगरपालिका-४ काफ्लेथोकस्थित जनक माविका दुईवटा केन्द्रमा केहीबेरका लागि मतदान रोकेको जिल्ला निर्वाचन अधिकारी मधुकर प्रसाद पोखरेलले जानकारी दिए । उनले अनलाइनखबरसँग भने, ‘चुनाव स्थगित भएको छैन । हामीले आफैले केहीबेर रोकका हौं । समस्या समाधानको पहल भइरहेको छ ।’
मतदान केन्द्रमै सुरक्षा अधिकारी, स्थानीयबासी र पीडित परिवारका प्रतिनिधिहरुसँग अहिले छलफल गरिरहेको पोखरेलले जानकारी दिए ।
उनले भने, ‘उहाँहरु संयमित हुनुहुन्छ, सकारात्मक हुनुहुन्छ । अब छिट्टै समस्या समाधान हुन्छ होला ।’
जनकमावि केन्द्रमा झण्डै १४ सय मतदाता छन् । काभ्रेमा १८९ मतदान स्थल र ३०७ मतदान केन्द्र छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4