३१ बैशाख, काठमाडौं । नुवाकोटको बेल्कोटगढी नगरपालिकास्थित मतदान केन्द्र नजिकै बम बिष्फोट भएको छ ।
बेल्कोटगढी नगरपालिका वडा नम्बर ४ को पञ्चासे मावी मतदान केन्द्रभन्दा ५०० मिटरको दूरीमा बम बिष्फोट भएको र बिष्फोटले कुनै क्षति नगरेको जिल्ला प्रहरी कार्यालय नुवाकोटका डिएसपी ऋषिराम कँडेलले जानकारी दिए ।
विप्लव नेतृत्वको नेपाल कम्युनिष्ट पार्टीले निर्वाचन बिथोल्ने उद्देश्यले बम बिष्फोट गराएको आशंका प्रहरीले गरेको छ । बम बिष्फोट गराएको आरोपमा स्थानीय शिवराम तामाङलाई पक्राउ गरी अनुसन्धान सुरु गरेको डिएसपी कँडेलले बताए ।
बिष्फोटपछि मतदान स्थलमा केहिबेर त्रास देखिएपनि मतदान प्रक्रिया भने नरोकिएको प्रहरीले जनाएको छ ।
