८ जेठ, काठमाडौं । काठमाडौं महानगरको जारी मतगणनामा उपमेयरमा नेपाली कांग्रेसकी हरिप्रभा खड्गीले ११ हजार भन्दा बढी मतको अग्रता लिएकी छन् ।
काठमाडौंको झण्डै आधा मत गणना भएको छ । जसमा खड्गीले २८ हजार ७६८ मत पाएकी छन् । उनलाई पछ्याइरहेका राप्रपाका उम्मेदवार राजाराम श्रेष्ठले १७ हजार ४८४ मत पाएका छन् ।
तेस्रो स्थानमा साझा पार्टीकी निरुपमा यादव छिन् । उनले ५ हजार ५७३ मत पाएकी छन् भने माओवादी केन्द्रकी उम्मेदवार सुशीला पौडेल ४ हजार ५४४ मतका साथ चौथो स्थानमा छिन् ।
