
२८ जेठ, बागलुङ । बागलुङको गल्कोटमा जंगली साग खाँदा एक जनाको मृत्यु भएको छ । साग खाएर सोही ठाउँका अन्य पाँच जना बिरामी परेका छन् ।
गलकोट नगरपालिका वडा नम्बर १० पाण्डवखानीका ४० वर्षीय दुर्गाबहादुर काउचाको शनिबार राती मृत्यु भएको हो ।
जंगलबाट ल्याइएको ‘घिरमती’को सागसँगै शनिबार राति खाना खाएका काउचा एक्कासी बिरामी परेका थिए । उनलाई तत्कालै गलकोट प्राथमिक स्वास्थ्य केन्द्रमा लगिएकोमा उपचारको क्रममा मृत्यु भएको प्रहरीले जनाएको छ ।
सागसँग खाना खाएलगत्तै काउचालाई घुमाउने, बान्ता हुने लक्षण देखिएको थियो ।
साग खाएर बिरामी परेका अन्य पाँच जनालाई उपचारका लागि धौलागिरि अञ्चल अस्पतालमा पठाइएको छ ।
प्रतिक्रिया 4