१९ साउन, बुटवल । बुटवल-पाल्पा सिद्धार्थ राजमार्गको तिनाउँ गाउँपालिका दोभानमा पहिरो खस्ने क्रम रोकिएको छैन ।
बिहीबार बिहान १६ घण्टापछि खुलेको सडक दिनभरको वर्षाका कारण पुनः अबरुद्ध बनेको हो । अहिलेपनि पानी परिरहेकाले सडक खुलाउन जटिल भएको प्रहरीले जनाएको छ ।
राजमार्गमा खसेको पहिरो फाल्ने प्रयास गरिएपनि पानी नरोकिएकोले समस्या भएको छ । बिहान ९ बजेबाट अहिलेसम्म निरन्तर वर्षा भैरहेको हो ।
सिद्दार्थ राजमार्ग अवरुद्ध हुँदा बुटवलवाट पोखरा, स्याङजा, गुल्मी, अर्घाखाँची, बाग्लुङसम्म जाने सयौं यात्रु र सवारी बाटोमै रोकिएका छन् ।
