शनिबार, ४ कार्तिक, २०७४
OnlineKhabar.com

फोक्सुन्डो तालको सुन्दरता क्यामरामा कैद गर्दा

भरतबन्धु थापा

एक छिनमा गाढा निलो, एक छिनमा फिक्का निलो । पानीको रंग यसरी परिवर्तन भइरहने यो हो, डोल्पाको फोक्सुण्डो ताल ।

डोल्पामा रहेको यो नेपालकै सबैभन्दा गहिरोे ताल हो, जसको गहिराई ६५० मिटर छ । समुन्द्री सतहबाट ३ हजार ६ सय ६० मिटर उचाईमा अवस्थित फोक्सुण्डो तालको सुन्दरतालाई एरिक भ्यालीले क्याराभान फिल्ममार्फत विश्वभर पस्किदिए । यही भएर होला, डोल्पामा पुग्ने पर्यटकमध्ये आधाभन्दा बढी फ्रेन्च हुने गरेका छन् । अमृत गुरुङको ‘सा कर्णाली’ले पनि डोल्पाको सुन्दरतालाई व्याख्या गरेको छ ।

कसरी पुग्ने ?

मोटरबाटो नपुगेको डोल्पा जाने एक मात्र विकल्प हवाई सेवा हो । नेपालगञ्जदेखि जुफालसम्मको हवाईजहाजको यात्रापश्चात सुरु हुन्छ फोक्सुण्डो यात्रा । जुफाल एयरपोर्टबाट डोल्पाको सदरमुकाम दुनै जान चार घण्टाको दूरी तय गर्नुपर्छ । एयरपोर्टबाट दुनै जाने र फोक्सुण्डो जाने बाटो फरक छ । फोक्सुण्डो ताल पुग्नका लागि तीन दिनको पैदल यात्रा गर्नुपर्छ । पर्यटकका लागि ताल नजिकै बास बस्ने होटलहरु रहेका छन्, जसलाई रिग्मो गाउँ भनिन्छ ।

फोक्सुण्डो तालबाट निस्केको पानीले बनेको झरना नै नेपालको सबैभन्दा ठूलो झरनासमेत हो । फोकसुण्डो तालको अर्को विशेषता भनेको यसमा कुनै पनि जीव नहुनु हो ।

प्राकृतिक सुन्दरतामा मात्र नभएर सांस्कृतिक हिसाबले पनि निकै धनी छ, डोल्पा । एक्सप्लोरल डोल्पाका प्रबन्ध निर्देशक जितेन्द्र झाँक्री भन्छन्, ‘डोल्पाको सुन्दरताले जति ख्याती पाउनुपर्ने हो त्यति पाउन सकेको छैन । यसले पर्यटकसमेत पर्याप्त पाउन सकेको छैन ।’

पर्यटक पर्याप्त नआउनुमा डोल्पामा नियमित हवाई उडान नहुनु प्रमुख कारण रहेको झाँक्रीको भनाइ छ । यसका लागि राज्यले उचित नीति ल्याई स्वदेश तथा विदेशमा डोल्पाको प्रचारप्रसार गर्नुपर्ने उनले बताए ।

डोल्पा विकासको गुरुयोजना चाहियो
धन बहादुर बुढा, सभासद

फोक्सुण्डो ताल डोल्पाको मात्र नभएर देशकै गौरव हो । तर, यसले पर्याप्त मात्रामा पर्यटक तान्न सकेको छैन । यसको प्रमुख कारण हो पूवार्धारको अभाव । तालसम्म पुग्नलाई सहज बाटो छैन । सडक सञ्जालले जिल्लालाई नै छुन नसकेको अवस्था छ । राज्यले प्रत्येक बर्ष डोल्पाको पुर्वाधार विकासको लागि बजेट छुट्याउँछ । तर, त्यो कनिका छरे जस्तो मात्र भयो । सरकारले समग्र गुरुयोजना बनाएर बजेट छुट्याएमा फोक्सुण्डो तालको मात्र नभएर समग्र डोल्पाको वकास हुुने थियो ।

संसारभर डोल्पाको नाम जति प्रख्यात रहेको छ सो अनुसार पर्यटकलाई चाहिने सामान्य पूर्वाधारको विकास हुन सकेको छैन । यसका लागि मैले निकै प्रयास गरे पनि राज्यले सुनवाई गरेको छैन । फोक्सुण्डो तालसम्म जान गुरुयोजना बनाएर केही गर्‍यो भने डोल्पाको मात्र नभएर राज्यलाई नै आर्थिक टेवा मिल्नेछ ।

२०७४ साउन २१ गते १०:१९ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१० प्रतिकृयाहरू प्राप्त
  • Dp लेख्नुहुन्छ    |   २०७४ साउन २१ गते १३:५१

    कति रमणीय छ मेरो देश नेपाल !

    59
    5
    Share

  • lokraj rawal लेख्नुहुन्छ    |   २०७४ साउन २१ गते १४:२३

    यसको लागि धेरै धन्यवाद चिन्ने समय पाइयोl

    28
    3
    Share

  • Rajan Pokharel ( Homnath pahadi) लेख्नुहुन्छ    |   २०७४ साउन २२ गते १९:०२

    ati sundar thau yo talma ta maile dharai samaya bitaya ko chhu ,rigmo, puduwachhaur, pugmo, palam ,jharna ,chhepka aankhe, kagmara lek, dokpa lek,she gummba,ryachi, rimi,kaigau,toijam,jagdula lek,aaha ani tyo tripura mandir, khaliwan,aaha samjana ati aauchha 20 barsha pahile ko

    7
    2
    Share

  • flash लेख्नुहुन्छ    |   २०७४ साउन २३ गते १३:१८

    gazzab…jana po kaile paune ho

    5
    0
    Share

  • याम बाबु थापा लेख्नुहुन्छ    |   २०७४ साउन २४ गते १२:४१

    तस्बीरकाे लागी धेरैधरै धन्यावाद ।

    6
    0
    Share

  • bijay bogati लेख्नुहुन्छ    |   २०७४ साउन २४ गते १४:०७

    i like this Beautiful place so I want to go their in one time.

    4
    0
    Share

  • ram mani लेख्नुहुन्छ    |   २०७४ साउन २६ गते १६:५९

    कैद भन्ने शब्द नराम्राे हाे ,त्यति राम्रा फाटाे क्यामराले खिचेकाे भन्दा कति राम्राे हुन्थ्यााे ।भाषामा राम्रा शब्द हालेर मिठ्यास बढ्छ । उनकाे राम्राे परिश्रले हामीले हेर्न पायाैं । धन्यबाद ।

    4
    6
    Share

  • यज्ञमूर्ति ज्ञवाली लेख्नुहुन्छ    |   २०७४ साउन ३१ गते १४:११

    यस्ता रमणीय ठाउँहरु नेपालमा धेरै छन । खाली प्रचार प्रसारको मात्र खाँचो छ । सरकारले यसमा बिशेष ध्यान दिनुपर्‍यो । फेरी यस्ता मनमोहक फोटाहरु खिचेर अनलाइनमा राखी दिने पत्रकार महोदय धन्यवादका पात्र हुनुहुन्छ । फेरी फेरी पनि यस्तै मनमोहक तस्वीरहरु खीची अनलाइन खवर मार्फत जानकारी दिनुहोला । धन्यवाद ।

    5
    0
    Share

  • Nand kishor gupta लेख्नुहुन्छ    |   २०७४ भदौ २ गते १५:०४

    swargko ko arko nam nepal

    1
    0
    Share

  • Suresh Bisural लेख्नुहुन्छ    |   २०७४ भदौ ७ गते १७:३६

    DEEPEST LAKE IN NEPAL IS RARA.

    0
    2
    Share

यसमा तपाइको मत




फेसबुकबाट तपाईको प्रतिक्रिया

Also you may like this