धनुषाको मुखियापट्टी र बाटेश्वरमा एमाले विजयी

१८ स्थानीय तहमध्ये अब १५ को परिणाम आउन बाँकी

अनलाइनखबर

२०७४ असोज ५ गते ८:५६

बाटेश्वर गाउँपालिकाकाे प्रमुखमा विजयी डम्बरबहादुर राउत र उपप्रमुख विजयी प्रमिला देवी जितपछि सामूहिक तस्वीर खिचाउँदै ।

५ असोज, काठमाडौं । धनुषाको २ स्थानीय तहमा एमालेले जित निकालेको छ । जिल्लाको मुखियापट्टी मुसहरनिया गाउँपालिकामा एमाले विजयी भएकाे हाे ।

मुखियापट्टी मुसहरनिया गाउँपालिका प्रमुखमा एमालेका मनोजकुमार यादव ३५४० मतका साथ विजयी भएका हुन् । उपाध्यक्षमा पनि एमालेकै मिरादेवी महतोको पल्लाभारी भएको छ । उनले ३६६० मत ल्याइन् ।

बाटेश्वर गाउँपालिका प्रमुखमा एमालेका डम्बरबहादुर राउत क्षेत्री र उपाध्यक्षमा एमालेकै प्रमिला देवी विजयी भएकी छन् । राउत २३७७ र देवी २२९० मतका साथ विजयी भएका हुन् ।

धनुषाको १८ स्थानीय तहमध्ये हंशपुर नगरपालिकाको अन्तिम मत परिणाम यसअघि नै सार्वजनिक भइसकेको छ । हंशपुरमा राजपा विजयी भएको हो । अब धनुषाको १५ स्थानीय तहको परिणाम आउन बाँकी छ । १५ वटै स्थानीय तहकाे गणना अहिले भइरहेकाे छ ।