९ कात्तिक, दार्चुला । प्रतिनिधिसभा निर्वाचनका दार्चुलाबाट प्रत्यक्षतर्फ स्वतन्त्र उम्मेदवारी दर्ता गराएका धनबहादुर कुवँर एमाले प्रवेश गरेका छन् ।
दोस्रो चरणमा सम्पन्न स्थानीय तहको निर्वाचनका बेला एमालेले गरेको उम्मेदवारी छनौटप्रति असन्तुष्टि जनाउँदै उनले स्वतन्त्र उम्मेदवारी दर्ता गराएका थिए ।
एमाले प्रवेश गरेका कुवँरको मुख्य निर्वाचन अधिकृतद्वारा प्रकाशित उम्मेदवारको अन्तिम नामावलीमा समेत नाम उल्लेख छ ।
यसैबीच, कुवँरसँगै यसअघि पार्टी परित्याग गरेका गौरी बडाल पनि पुनः एमालेमै फर्किएका छन् ।
