१६ कात्तिक, काठमाडौं । काठमाडौं जिल्लामा प्रतिनिधिसभा र प्रदेशसभाका लागि ५ ठाउँबाट मनोनयन दर्ता गरिने निर्वाचन अधिकृतको कार्यालयले जनाएको छ ।
निर्वाचन क्षेत्र नम्बर १, २, ३ र ४ को उम्मदेवारी दर्ता राष्ट्रिय सभागृहबाट गरिँदैछ ।
निर्वाचन क्षेत्र नम्बर ५ र ७ को मनोनयन दर्ता थापागाउँस्थित पञ्चेश्वर बहुउद्देश्यीय आयोजनाको कार्यालयबाट हुनेछ ।
निवार्नचन क्षेत्र नम्बर ६ को मनोनयन दर्ता बबरमहलस्थित काठमाडौं जिल्ला समन्वय समितिको कार्यालयमा हुने निर्वाचन कार्यालयले जनाएको छ ।
निर्वाचन क्षेत्र नम्बर ८ को मनोनयन दर्ता बबरमहलकै भू तथा जलाधार संरक्षण विभाग वन परिसरमा हुनेछ ।
निर्वाचन क्षेत्र नम्बर ९ र १० को मनोनयन दर्ता नयाँ बानेश्वरस्थित अन्तर्राष्ट्रिय सम्मेलन केन्द्रमा हुने निर्वाचन अधिकृतको कार्यालयले जनाएको छ ।
मुख्य निर्वाचन अधिकृत र निर्वाचन अधिकृतका कार्यालयहरु पनि मनोनयन दर्तास्थलमै खडा गरिएका छन् ।
