भारतीय कमेडियन कपिल शर्माको फिल्म फिरंगीले बक्स अफिसमा हावा खाएको छ । फिल्मको असफलताले उनी फेरि डिप्रेसनमा परेको भारतीय सञ्चारमाध्यमहरुले उल्लेख गरेका छन् ।
फिरंगीलाई कपिल स्वयम्ले प्रोडयूस गरेका थिए । पछिल्लो समय घट्दो क्रममा रहेको आफ्नो क्रेजलाई यस फिल्मले पुन फर्काउने आशा उनको थियो । तर, उनले सोचेअनुसार भएन । फिल्मलाई न दर्शकले रुचाए न समिक्षकले ।
प्रदर्शनको चार दिनसम्ममा फिरंगीले १० करोडको व्यापार गर्न सकेको छैन । पहिलो दिन यसले २ करोड कमाएको थियो दोस्रो दिन साढे दुई करोड । त्यसैगरी तेस्रो दिन फेरि २ करोड र चौथो दिन २.३० करोड गरी फिल्मले हालसम्म ८.८० करोड कमाएको छ । जबकि कपिलको पहिलो फिल्म ‘किस किसको प्यार करुँ’ ले पहिलो दिनमै १० करोडको व्यापार गरेको थियो । यसले जम्मा ५० करोड निर्माताको खल्तिमा हालिदिएको थियो ।
फिल्मको असफलताले डिप्रेसनमा पुगेका कपिल पछिल्ला दिनमा सार्वजनिक कार्यक्रममा समेत देखिन छोडेका छन् । हालै मात्र उनका सहकर्मी भारती सिंहको बिहेमा समेत उनी उपस्थित भएनन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4