३ पुस, काठमाडौं । वैदेशिक रोजगारीका लागि पपुवान्यूगिनी पठाइदिने भन्दै ठगी गरेर फरार रहेका एक व्यक्ति पक्राउ परेका छन् । पक्राउ पर्नेमा लम्जुङका ४४ वर्षीय हरिबहादुर पाण्डे छन् ।
पाण्डेलाई मंगलबार काठमाडौंको बासबारीबाट पक्राउ गरिएको हो ।
उनलाई दुई वर्षअघि वेलकम इन्टरनेश्नल एजुकेशन फाउण्डेसनको नामबाट वैदेशिक रोजगारीमा इजाजत पत्र समेत नलिइ ठगी गरेको आरोप लागेको थियो । र, अदालतले समेत पुष्टि गर्दै दुई वर्ष कैद र दुई लाख रूपैयाँ जरिवना सजाय सुनाएको थियो ।
अहिले उनलाई कैद भुक्तानका लागि कारागार कार्यालय, डिल्लीबजारमा पठाइएको छ ।
