हामीकहाँ मान्छे हराएको थाहा-पत्तो हुन छाडेको छ । बि-टाउनमा भने कुकुर हराएको कुराले पनि ठूलै कभरेज पाउँछ ।
हुन त कुकुर पनि रिया सेनको पर्यो । आफ्नी जमनाकी हट अभिनेत्री रियाको घरमा कुकुर थियो, जसरी अरु बलिउड सेलिब्रेटीकहाँ हुन्छ । रियाको कतिपय तस्वीरमा उनी कुकुरसँग खेलिरहेका देखिन्छन् । त्यही कुकुरमध्येको एक कुकुर हरायो । हरायो होइन, अपहरण गरियो ।
रियाको घरेलु कामदारले कुकुरलाई बाहिर खेलाउन लगेका थिए । त्यही बेला एउटा कारमा आएका चार जना व्यक्तिले चक्कु देखाएर कुकुर अपहरण गरे । घरेलु कामदारको ज्यानभन्दा बढी महत्व दिइयो कुकुरलाई । लुटेराहरुले चक्कु देखाएर मार्ने धम्की दिदै कुकुर लगेको ति कामदारले बताएका छन् । यसको फुटेज सिसिटिभीमा रेकर्ड भएको छ ।
रिया सेनका पतिले कुकुर फिर्ता ल्याउनका लागि भारु पचास हजारको पुरस्कार तोकेको छ ।
