बुधबार, ३ माघ, २०७४
OnlineKhabar.com

डा. शर्मालाई ४ दिनका लागि डीनमा पुनर्वहाली गर्न सर्वोच्चको आदेश

अनलाइनखबर

२३ पुस, काठमाडौं । सर्वोच्च अदालतले प्रा. डा. शशी शर्मालाई त्रिवि चिकित्सा शास्त्र अध्ययन संस्थान -आईओएम)को डिनमा पुनर्वहाली गर्न आदेश दिएको छ ।

प्रधानन्यायाधीश गोपाल पराजुली र न्यायाधीश दीपककुमार कार्कीको संयुक्त इजलासले शर्मालाई हटाएर प्रा. डा. राकेशप्रसाद श्रीवास्तवलाई डिनमा नियुक्त गर्ने त्रिवि कार्यकारी परिषद्को निर्णय उत्प्रेषणको आदेशद्धारा बदर गरेको छ ।

डा. गोविन्द केसीको अनसनका क्रममा सरकारले ८ माघ २०७० मा शर्मालाई डीनबाट बर्खास्त गरेको थियो । तर, अहिले आईओएममा जलदिशचन्द्र अग्रवाल डीन छन् ।

उनको नियुक्ति गैरकानुनी भएको पुष्टि गर्ने आधार नभएको र डिनको नियुक्ति अभावमा विपक्षी संस्थालाई पर्न सक्ने असलाई पनि विचार गर्नु पर्ने भन्दै सर्वोच्चले अग्रवालको नियुक्तिबारे यो मुद्दाामा बोल्न नमिल्ने बताएको छ ।

तर, २०७० पुस २८ मा चार वर्षका लागि नियुक्त भएका शर्माको पदावधि यही पुस २७ गतेसम्म छ । सर्वोच्चको आदेशमा भनेको छ, ‘निवेदकले बहाल हुन चाहेमा आजकै मितिबाट बहाल हुन जानु भनी परमादेशको आदेश जारी गरिएको छ ।’

डा. शर्माले सर्वोच्चको फैसलाले आफूले न्याय पाएको बताए । साथै सर्वोच्चको आदेश अनुसार पुनर्वहाली हुने बताए । उनले भने, ‘विश्वविद्यालयले दियो भने एक दिनका लागि पनि नियुक्ति लिन्छु । किनकी मैले न्याय पाउनुपर्छ ।’

२०७४ पुष २३ गते १९:४६ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • kusan sharma लेख्नुहुन्छ    |   २०७४ पुष २३ गते १५:५३

    राम्रा काम केहि गर्नु नपर्ने र,

    सबको रहर र जिद्धि पुरा गर्ने ठाउँ भएको छ,

    हाम्रा सरकारी नियुक्ति र ठुला पदहरु,

    पौष ३० मा समय सकिने,

    ७ दिन अघि पुनर्बहालीको न्याय ?

    2
    0
    Share

  • bivek लेख्नुहुन्छ    |   २०७४ पुष २३ गते १७:०५

    nyayelaya ko ijjat ra garima ma daag lagne bhayo , parajuli aye dekhi

    4
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this