टोकियो । सर्जक दिनेश गुरुङको मौलिक शब्द रचनामा तयार पारिएको गीत ‘वारी दरौ’को भिडियो सार्वजनिक गरिएको छ ।
युवा गायक राजन कार्की र गायिका सीता के.सी.को स्वर रहेको गीतमा नृत्यांगना रीना थापामगर र निर आलेमगरको आकर्षक नृत्य रहेको छ ।
स्याङ्जा जिल्लामा जन्मिएका गुरुङले आफ्नो गाउँघरमा लाहुरबाट छुट्टिमा आएको लाहुरेको घरमा सालैजो,कौडा गाउने प्रचलनलाई नै गीतमा उतारेको बताए ।
‘म सानोछँदा एक चोटी बाजे लाहुरबाट आउँदा गाउँका आमासमूह रोधी बस्न आएका थिए, त्यत्तिबेलाका भाकाले साह्रै मन छुन्थ्यो’, गुरुङले पुराना दिन सम्झिदै भने ।
गाउँघरमा गाइने मौलिक भाका र शब्दको समिश्रण रहेको गीत ‘वारी दरौ’मा परदेशबाट आएको लाहुरे र प्रेमिकाबीचको प्रेमलाई प्रस्तुत गरिएको छ ।
प्रकाश भट्टले निर्देशन गरेको गीतको भिडियोमा राजेश घिमिरेको छायांकन र बिष्णु शर्माको सम्पादन रहेको छ ।
पोखरामा छायांकन गरिएको भिडियो श्री सिंपाल तमु धिं समाजको सहयोगमा निर्माण गरिएको हो ।
तीजे गीतपछि सालैजो गीत रचना गरेका गुरुङ एनआरएनए आईसीसी सदस्य समेत हुन् । गुरुङ दुई दशकदेखि जापानमै छन् ।
भिडियो हेर्नुस्
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4