आइतबार, १३ जेठ, २०७५
Ruslan
OnlineKhabar.com
Suzuki

नवराज सिलवालविरुद्ध मुद्दा चलाउन नमानेपछि काठमाडौं प्रहरी प्रमुखको सरुवा

रविन्द्र धानुकको ठाउँमा खटिए विश्वराज

Suzuki
अनलाइनखबर

२९ माघ, काठमाडौं । पूर्व डिआईजी तथा नेकपा एमालेका सांसद नवराज सिलवालप्रति नरम भएको आरोपमा काठमाडौं प्रहरी परिसर प्रमुख रविन्द्र धानुकको सरुवा भएको छ । धानुकलाई संघीय इकाइ प्रहरी कार्यालय बागलुङ सरुवा गरिएको छ । उनको ठाउँमा महानगरीय प्रहरी आयुक्तको कार्यालय रानीपोखरीमा रहेका एसएसपी विश्वराज पोखरेललाई पठाइएको छ ।

सिलवालविरुद्ध आईजीपी नियुक्तिको बेला कार्य सम्पादन मूल्यांकन नम्बर किर्ते गरेको अभियोगमा मुद्दा चलाउन आईजीपी प्रकाश अर्याल र एआईजी जयबहादुर चन्दले दबाव दिएका थिए । तर धानुकले शुरुदेखि नै सिलवालप्रति नरम नीति अपनाउँदै उनलाई पक्राउ गर्नुको साटो लुकाउन सहयोगी भूमिका खेलेको आरोपसमेत लगाइएको छ ।

नयाँ सरकार आएपछि सिलवालमाथि कारवाही गर्न नसकिने भएपछि अर्याल र चन्दले यहि सरकार भएकै बेला किर्तेमा मुद्दा दायर गर्न खोजेको आरोप छ । धानुक र एआइजी चन्दबीच राम्रो सम्बन्ध थिएन ।

नवराज सिलवाल प्रकरणमा धानुकले सूचना चुहाएको आरोप लाग्दै आएको थियो । उनी मुद्दा दर्ता गर्न दबाव बढेपछि मोबाइल स्वीच अफ गरेर बिदामा बसेका थिए । यहि बेला हेडक्वार्टरको सिफारिसमा गृह सचिव मोहनकृष्ण सापकोटाले धानुकको सरुवा सदर गरेको बताइएको छ ।

सिलवाल प्रकरणमा मुख्य सचिव लोकदर्शन रेग्मी र आईजीपी अर्याल तथा एआईजी चन्द एक ठाउँमा छन् । धानुकले असहयोगी भूमिका खेलेको भन्दै विश्वराज पोखरेललाई काठमाडौंको प्रहरी प्रमुख बनाइएको हो ।

यसैबीच काठमाडौं प्रहरी परिसर मुद्दा शाखाका डिएसपी बेलबहादुर पाण्डेको दिपायल सरुवा भएको छ । उनको ठाउामा जनसेवाका डिएसपी मोहन थापालाई पठाइएको छ ।

२०७४ माघ २९ गते १०:३६ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

३ प्रतिकृयाहरू प्राप्त
  • jiban लेख्नुहुन्छ    |   २०७४ माघ २९ गते १०:४३

    YEHI TAHA BHAYEKO CHA KATI KHATAM RAHECHAN HAMRA RASTRA SEBAK HARU , JABO YEUTA KIRTE KAGAJ KO PANI FAISALA GARNA NA SAKNE , TAKI SILWAL DOSI CHAN VANDA VANDAI PANI TAHA HUDAHUDAI PANI MUDDHA DAYER GARNA NA SAKNE KASTO PRAMUKH HO ,
    BAGLUNG GAYERA NI YESTAI YESTAILAI SURAKSHA GARERA JANATALAI THAGCHA ANI BAGLUNG MA SOJA SAJHA JANATALAI KHATAM PARCHA

    4
    55
    Share

  • uddab लेख्नुहुन्छ    |   २०७४ माघ २९ गते १४:३०

    jiban g tapailai thahanai hola Girja ra Manamohanle ghoshana gareko chunab yakai ho phaisala garne adalatpani uhi ho yo kesha tapai mathi pareko bhaya k garnu huntho hola sujhab thikai ho tar…….

    15
    0
    Share

  • दिवश श्रेष्ठ लेख्नुहुन्छ    |   २०७४ माघ २९ गते १४:५७

    नवराज सिलवाल विरुद्ध मुद्दा चलाउन इन्कार गरेको कुरा हाइलाइट गर्नुपर्ने हो की मुद्दा चलाउन नमानेको कारण सरुवा भएको भन्ने कुरा हाइलाइट गरि समाचार प्रकासन प्रसारण गर्नुपर्ने हो पत्रकार महोदय ?

    नयाँ सरकार आएपछि सिलवालमाथि कारवाही गर्न नसकिने भएपछि अर्याल र चन्दले यहि सरकार भएकै बेला किर्तेमा मुद्दा दायर गर्न खोजेको आरोप छ- भनेपछि पत्रकार महोदय मुद्दा चलाउन इन्कार गर्ने व्यक्ति चाँही स्वच्छ देखियो हैन त ।

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this