२३ फागुन, काठमाडौं । रामेछापमा आफ्नै श्रीमतीको हत्या गरेको अभियोगमा प्रहरीले एकजनालाई पक्राउ गरेको छ ।
उमाकुण्ड गाउँपालिका-४ रारागाउँ बस्ने ५३ वर्षीय ताराबहादुर सुनुवारलाई प्रहरीले मंगलबार पक्राउ गरेको हो ।
घरायसी विवादमा सुनुवारले ४४ वर्षीया श्रीमती सूर्यकला सुनुवारलाई काठको पिर्काले टाउकोमा हिर्काउँदा घटनास्थलमै मृत्यु भएको प्रहरीले जनाएको छ । घटनाको विषयमा अनुसन्धान गरिरहेको प्रहरीको भनाइ छ ।
