२७ फागुन,काठमाडौं । नेपाली कांग्रेसका महामन्त्री सशांक कोइरालाले संसदमा पहिलो पटक बोले त्यो पनि जम्माजम्मी एक मिनेट । २०६४ सालदेखि निरन्तर तेस्रो पटक संसदमा प्रतिनिधित्व गरिरहेका कोइरालाले यसअघि संसदमा बोलेको सुनिएको थिएन ।
सभामुख कृष्णवहादुर महरालाई कांग्रेसको तर्फबाट बधाई दिन रोष्टममा उभिएका कोइरालाले करीव एक मिनेट सम्बोधन गरे । जनयुद्ध र शान्ति प्रक्रियाको अनुभव लिएका महराले संसदलाई सन्तुलित ढंगले चलाउने विश्वास उनले व्यक्त गरे ।
त्यस्तै प्रधानमन्त्री केपी शर्मा ओलीले सम्बृद्धिको कुरा गरेको भन्दै प्रमुख प्रतिपक्षको हैसियतमा कांग्रेसले रचनात्मक सहयोग गर्ने बताए ।
सभामुख महरालाई एमालेबाट झलनाथ खनाल र माओवादीबाट वर्षमान पुनले शुभकामना दिए ।