२५ चैत, काठमाडौं । राष्ट्रिय प्रजातन्त्र पार्टीका अध्यक्ष कमल थापाले आइतबार बिहान बिराटनगरमा अज्ञात समूहबाट आचार्य श्रीनिवासमाथि भएको गोली प्रहारको भत्सर्ना गरेका छन् ।
उनले ट्वीट गर्दै भनेका छन्, ‘अपराधी पत्ता लगाउने कार्यमा सरकारले तत्काल गम्भीर तदारुकता देखाओस र कानुन बमोजिम कारबाही होस भन्ने माग गर्दछु ।’
उनले श्रीनिवासको शिघ्र स्वास्थ्य लाभको कामना समेत गरेका छन् ।
यसअघि बिहान २ बजे शौच गर्न निस्किएका बेला आचार्यलाई विराटनगरको जतुवास्थित रामजानकी मन्दिरमा गोली प्रहार भएको थियो ।
घटनामा दुई राउण्ड गोली चले पनि एउटा गोली मात्रै उनलाई लागेको थियो । उनको दायाँ छातीको कुम मुनिको भाग छेडेर गोली पार भएको प्रहरीको भनाइ छ ।
हाल उनको विराटनगरस्थित न्यूरो अस्पतालमा उपचार भइरहेको छ ।
बिराटनगरमा धर्मगुरु आचार्य श्रीनिवास माथी भएको गोली प्रहारको घोर भत्सर्ना गर्दछु।अपराधी पत्ता लगाउने कार्यमा सरकारले तत्काल गंभीर तदारुकता देखाओस र कानुन बमोजिम कार्वाही होस भन्ने माँग गर्दछु। साथै, घाईते धर्मगुरु श्रीनिवासको शिघ्र स्वास्थ्यलाभको कामना गर्दछु pic.twitter.com/y3vQ14zdli
— Kamal Thapa (@KTnepal) April 8, 2018
