२४ वैशाख, काठमाडौं । धितोपत्र बोर्डले आफ्नो रजत जयन्तीको अवसरमा पूँजीबजार प्रद्धर्शनीको आयोजना गर्न लागेको छ । पहिलो पटक यस्तो कार्यक्रमको आयोजना गर्न लागिएको बोर्डले जनाएको छ ।
प्रदर्शनी यही बुधवार र बिहीवार काठमाडौंको भृकुटीमण्डपमा हुनेछ । बोर्डका अनुसार प्रदर्शनीमा नेपाल स्टक एक्चेन्ज, धितोपत्र दलाल कम्पनी, मर्चेन्ट बैंकर, नेपाल राष्ट बैंक, बीमा समिति तथा इन्टिच्यूट अफ चार्टड एकाउन्टेन्ट अफ नेपाल (आइक्यान) लगायतको सहभागीता रहनेछ ।
प्रदर्शनीमा १ सय ७० भन्दा बढी स्टल रहने बोर्डले जनाएको छ । धितोपत्र सम्बन्धी अध्ययन सामाग्री प्रदर्शनीमा निःशूल्क वितरण गरिने बोर्डको भनाइ छ ।
