३० वैशाख, काठमाडौं । महानगरीय प्रहरी प्रभाग, बलम्बुले प्रतिबन्धित लागूऔषधसहित एक जनालाई पक्राउ गरेको छ ।
पक्राउ पर्नेमा पर्साको दुर्गा गाउँपालिक–९ का ३० वर्षीय अनिलकुमार गुप्ता छन् ।
उनलाई विशेष सुराकीको आधारमा चन्द्रगिरि–१४, बालकुमारीबाट ५८ एम्पुल नुफिन, ६३ एम्पुल फेनेरागन र ५९ एम्पुल डाइजाल्यापसहित पक्राउ गरिएको बलम्बु प्रभागकी प्रहरी निरीक्षक शर्मिला गुरुङले जानकारी दिइन् ।
गुप्तालाई थप अनुसन्धानको लागि महानगरीय प्रहरी वृत्त, थानकोट पठाइने जनाइएको छ ।
