६ जेठ, चितवन । पहिरो खसेपछि नारायणगढ–मुग्लिन सडक खण्ड अबरुद्ध बन्न पुगेको छ ।
आइतबार बिहान ५ः३० बजे इच्छाकामना गाउँपालिका–६, कालीखोलामा पहिरो खसेपछि सडक अबरुद्ध भएको हो ।जिल्ला प्रहरी कार्यालय चितवनका अनुसार अबरुद्ध सडक खोल्न अहिले पहिरो पन्छाउने काम भइरहेको छ । पहिरो ठूलो भएकाले पन्छाउन भने केही समय लाग्ने बताइएको छ ।
सडक अबरुद्ध भएसँगै सवारीको लामो लाइन लागेको छ भने यात्रु अलपत्र परेका छन् ।
