२१ असार, काठमाडौं । फोटो पत्रकार क्लबको आयोजनामा भएको आइएमई-ग्लोबल-आइएमई नेपाल फोटो प्रतियोगिता २०७५ को उपाधि नरेन्द्र श्रेष्ठले जितेका छन् ।
श्रेष्ठले गत वर्ष सप्तरीको कुलारी गाउँमा खिचेको बाढीका कारण मृत्यु भएका पाँच वर्षीय बालकलाई अभिभावकले कोशी नदीमा बगाउदै गरेको फोटो यो वर्षको आइएमई-ग्लोबल-आइएमई फोटो अफ द इयर घोषित भएको हो । उपाधिसँगै श्रेष्ठले १ लाख रुपैयाँ पुरस्कार पाएका छन् । पुरस्कार विजेता श्रेष्ठले पाएको १ लाखमध्ये ७० हजार रुपैयाँ सोही परिवारलाई नै दिने घोषणा गरेका छन् ।
फोटो पत्रकार क्लबले नेपाल स्माइल, डेलीलाइफ, न्युज, नेचर एण्ड वाइल्डलाइफ, कल्चर एण्ड टुरिजम र स्पोर्टस् विधामा पहिलो, दोस्रो र तेस्रो फोटो चयन गर्दै पुरस्कार वितरण गरेको छ ।
हेर्नुस् कुन विधामा कुन फोटो उत्कृष्ट भए ?
