४ साउन, काठमाडौं । नक्कली सुन बेच्न हिँडेका ३ जनालाई प्रहरीले पक्राउ गरेको छ ।
नक्कली सुनको विस्कुट आकारका चक्की, एउटा बेरुवा औंठीसहित सिन्धुपाल्चोक धैवुङ ३ घर भई काठमाडौं जोरपाटी बस्ने २३ वर्षका राज लामा तामाङ, नुवाकोट बेतिनी घर भई जोरपाटी बस्ने २६ वर्षका म्याङसिंह लामा र सोलुखुम्बु घर भई कपन बस्ने टासी लाक्पा शेर्पा पक्राउ परेका हुन् ।
उनीहरुले चावहिल, कोटेश्वर र कपन इलाकामा नक्कली सुनको कारोबार गर्ने गरेको प्रहरीले बताएको छ । बिहीबार दिउँसो ४ बजे चावहिल चुच्चेपाटीमा शंकास्पद अवस्थामा राज लामा र म्लाङसिङ लामा पक्राउ परेको र उनीहरुको दिएको सूचनाको आधारमा १ किलो नक्कली सुनसहित टासी शेर्पा पक्राउ परेका महानगरीय प्रहरी परिसरले जानकारी दिएको छ ।
पक्राउ परेकाहरु यसअघि पनि ठगी र लुटपाटमा संलग्न रहेको पाइएको प्रहरीको भनाइ छ । राज लामाविरुद्ध वौद्ध र महाराजगञ्ज प्रहरीले ठगी आरोपमा पहिले पनि मुद्दा चलिसकेको थियो । टासी लाक्पा शेर्पाले २०५८ सालमा आफ्नै फुपूलाई कर्तव्य गरि मारेकोमा १० वर्ष जेल सजाय भुक्तान गरी निस्केको र हाल डकैती तथा चोरी , लुटपाटमा संलग्न रहेको प्रहरीको भनाइ छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4