संवैधानिक परिषद बैठकः अख्तियार प्रमुख सिफारिसको तयारी

२० भदौ, काठमाडौं । संवैधानिक परिषदको बैठक बसिरहेको छ । सिंहदरबारमा जारी बैठकमा अख्तियार दुरुपयोग अनुसन्धान आयोगमा प्रमुख नियुक्तिको विषयमा छलफल भइरहेको स्रोतले बतायो ।

अख्तियार लामो समयदेखि प्रमुख आयुक्तविहीन छ । दीप बस्न्यातले अवकाश पाएपछि गत फागुनदेखि अख्तियार कार्यवाहकको भरमा चलिरहेको छ ।

हाल कार्यवाहकको जिम्मेवारी नविनकुमार घिमिरेले पाएका छन् । बैठकले घिमिरेलाई नै प्रमुख आयुक्तमा नियुक्ति सिफारिस गर्ने तयारी भइरहेको स्रोतले जनाएको छ ।

बैठकमा वित्त आयोगको अध्यक्ष नियुक्तिबारे पनि छलफल हुने बताइएको छ । वित्त आयोगमा बालानन्द पौडेल, पूर्व अर्थसचिव शान्तराज सुवेदी लगायतको चर्चा छ ।