काठमाडौं । ला लिगाले अमेरिकामा हुने खेल हेर्न जाने समर्थकलाई यात्रा र आवासमा सहुलियत लिने योजना बनाएको छ ।
स्पेनिस मिडियाहरुका अनुसार बार्सिलोनाविरुद्ध जिरोनाको होम गेम २७ जनवरीमा अमेरिकाको मायामीमा खेलाइनेछ ।
ला लिगाले एक खेल अमेरिकामा खेलाउन मिडिया कम्पनी रिलेभेन्टसँग १५ वर्षे सम्झौता गरेको छ । यद्यपि यसको स्पेनिस एफए र खेलाडीहरुले आलोचना गरेका छन् ।
ला लिगा श्रोतलाई उधृत गर्दै बीबीसीले लेखेको छ कि होम सिजनको टिकट भएका फ्यानहरुलाई यात्रा आवासमा सहुलियत दिने योजना छ ।
क्याटलान पत्रिका स्पोर्टका अनुसार गिरोना सिजनका लागि १५ सय फ्रि फ्लाइट र एक रात आवास उपलब्ध छ । तर, पछि फिर्ता पाउने गरी रकम जम्मा गर्नुपर्छ ।
अमेरिका जान नचाहने समर्थकहरुलाई अवे गेमको टिकट दिइनेछ, जुन बार्सिलोनाको घरेलु मैदान नाउक्याम्पमा २३ सेप्टेम्बरमा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4