१६ असोज, काठमाडौं । यसवर्षको भौतिकशास्त्रतर्फको नोबल पुरस्कार तीन जना वैज्ञानिकलाई संयुक्त रुपमा प्रदान गरिएको छ ।
अमेरिकाका आर्थर आस्किन,फ्रान्सका जेरार्ड मुराउ र क्यानडाकी डोना स्ट्रिकल्याण्डलाई भौतिकशास्त्र तर्फको नोबल पुरस्कार दिइएको मंगलबार घोषणा गरिएको छ ।
जसमा आस्किनलाई आधा र बाँकी दुई जनाले आधा पुरस्कार पाएका छन् । लेजर फिजिक्सको क्षेत्रमा गरिएको अभूतपूर्व उपलब्धीका लागि उनीहरुलाई नोबल पुरस्कार दिइएको रोयल स्वीडिस एकेडेमी अफ साइन्सेजले जनाएको छ ।
यो पुरस्कारको रकम १ मिलियन अर्थात १० लाख अमेरिकी डलर रहेको छ ।