चीनमा एकजना अभिनेत्रीमाथि ८ सय ८३ मिलियन युआन अर्थात् झण्डै १३ अर्ब रुपैयाँ बराबरको जरिवाना लागेको छ ।
अभिनेत्री फेन बिंगबिंगमाथि यतिधेरै रकम जरिवाना सुनाइएको हो । करछली तथा अन्य विभिन्न आपराधिक घटनामा उनीमाथि अर्बौं रकमको जरिवाना लगाइएको हो ।
गत जुलाई महिनादेखि फरार रहेकी फेनले बुधबार सोसल मिडियामार्फत लम्बेतान माफीपत्र शेयर गरेकी छिन् । जसले सबैलाई अचम्ममा पारेको छ ।
फेन चीनमा सबैभन्दा धेरै कमाउने कलाकार मध्येमा पर्छिन् । समयमै जरिवाना रकम बुझाएको भएमा उनी आपराधिक मामिलाको दण्डबाट बच्ने थिइन् ।
३७ वर्षीया फेन हलिउड फिल्म एक्स म्यान तथा आइरन म्यान लगायतमा पनि अभिनय गरिसकेकी छिन् ।
सोसल साइटमार्फत माफी मागेपनि उनी अहिले कहाँ छिन् भन्ने बारेमा कुनै खुलासा भएको छैन । कतिपयले चाहीँ उनलाई नजरबन्दमा राखिएको हुनसक्ने अनुमान गरेका छन् ।
बुधबार फेनले चिनिया सोसल मिडिया साइट विवोमा आफ्ना लाखौँ प्रशंसकका लागि लेखेको माफी पत्रमा भनेकी छिन्, ‘म निकै पीडामा छु । मैले जे गरेँ त्यसका लागि लज्जित छु । सबैसँग माफी चाहन्छु ।’
आफूले कानूनको पालना गर्ने र आफुमाथि लागेको जरिवाना रकम तिर्ने उनले बताएकी छिन् ।
साथै उनले चिनिया सरकारको प्रसंसा गर्दै आफ्नो देश, चिनिया कम्युनिष्ट पार्टी र जनताको मायाविना आफ्नो कुनै अस्तित्व नहुने पनि उनले उल्लेख गरेकी छिन् ।
एजेन्सी
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4