९ कात्तिक, काठमाडौं । अन्तर्राष्ट्रिय फुटबलमा अतिरिक्त समयमा खेलाडी परिवर्तन गर्न नपाइने नियम ल्याउनेबारे छलफल भएको छ ।
फुटबलसम्बन्धी यस्तो नियमका बारेमा अन्तर्राष्ट्रिय फुटबल एशोसिएशन बोर्ड (आईफ्याब) मा छलफल भएको हो । जसमा अतिरिक्त समयमा हुने खेलाडी परिवर्तन समय बिताउन मात्रै गरिने भएकाले त्यसो गर्न नपाइने नियम ल्याउने तयारी भएको छ ।
सल्लाहकार समितिले यस्तो नियमबारेको प्रस्ताव आउँदो महिना हुने आईफ्याबको वार्षिक बैठकमा लैजानेबारे सहमति गरिसकेका छन् ।
यो सिजन इंग्लिस प्रिमियर लिगलाई हेर्दा मैदानमा एभरेजमा बल खेलिने समय ५५ मिनेट ९ सेकेण्ड मात्रै रहेको छ । जहाँ ५ प्रतिशत खेलाडी परिवर्तन ९० मिनेटभन्दा पछि भएका छन् ।
