१५ कात्तिक, काठमाडौं । माछापुच्छ्रे बैंकले चालु आर्थिक वर्षको पहिलो त्रैमासमा ३८ करोड ६९ लाख ३४ रुपैयाँ मुनाफा आर्जन गरेको छ । बैंकले अघिल्लो आर्थिक वर्षको सोही अवधिको तुलनामा ३७ प्रतिशतले मुनाफा बढाएको हो ।
आर्थिक वर्ष २०७४/७५ को पहिलो ३ महिनामा यस बैंकले २८ करोड ९ लाख ५९ हजार रुपैयाँ मुनाफा आर्जन गरेको थियो । बैंकले मुनाफासँगै ब्याज आम्दानी पनि बढाएको छ ।
अघिल्लो आर्थिक वर्षको पहिलो त्रैमासभन्दा ६८ करोड १४ लाखले वृद्धि गरी बैंकले २ अर्ब ३५ करोड रुपैयाँ ब्याज आम्दानी बनाएको छ । बैंकले सार्वजनिक गरेको वित्तीय विवरण अनुसार कुल व्याज खर्च भने १ अर्ब ५१ करोड रुपैयाँ पुगेको छ ।
चुक्ता पुँजी ८ अर्ब ५ करोड रहेको माछापुच्छ्रे बैंकको संचित कोषमा २ अर्ब ६९ करोड रुपैयाँ छ ।
१७ अर्बले बढ्यो निक्षेप
माछापुच्छ्रे बैंकले १७ अर्ब रुपैयाँले निक्षेप बढाएको छ । बैंकले यस अवधिमा निक्षेप ७७ अर्ब ९८ करोड रुपैयाँ पुर्याएको छ ।
यो रकम अघिल्लो वर्षको पहिलो आर्थिक वर्षको तुलनामा १७ अर्ब ३८ करोड रुपैयाँले बढी हो । बैंकले ७१ अर्ब ८० करोड रुपैयाँ कर्जा लगानी गरेको छ । यसको खराब कर्जा अनुपात ०.४७ प्रतिशत मात्रै छ भने सीसीडी रेसियो ७८.९२ प्रतिशत रहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4