दशैं सकिएको छ । तिहार नजिकिएको छ । तिहारको पूर्व सन्ध्यामा दशैंको झझल्को ल्याउने गीत सार्वजनिक भएको छ । गीतले भन्छ, ‘रातो टिका निधारमा ।’ तर, यसले दशैं संस्कृतिसँग कतिपनि साइनो लगाएको छैन । बरु, मायाप्रेमको कुरा जोडेको छ ।
गायक हुन्, बुद्ध लामा । चिनाइरहनु परेन, नेपाल आइडल सिजन-१ का विजेता हुन् उनी । बुद्धको स्वरमा मेलिना राईले भाका मिलाएकी छिन् ।
प्रभा आचार्यले लेखेको गीतलाई वसन्त सापकोटाले संगीत दिएका हुन् । रोमान्टिक शैलीको गीतमा भिमफेदी गाइजलाई फिचरिङ गराइएको छ । यो गीतको म्युजिक भिडियो टेलिशृंखला ‘भद्रगोल’का पात्र काकु अर्थात दीपक आचार्यले निर्देशन गरेका हुन् । निर्मला लामा यसका कोरियोग्राफर हुन् भने भिडियो खिचेका हुन् सुदीप बरालले ।
