२५ कात्तिक, काठमाडौं । महानगरीय प्रहरी वृत्त, महाराजगञ्जले प्रहरी कर्मचारी तथा उनीहरुको परिवारलाई लक्षित गरेर निःशुल्क स्वास्थ्य शिविर सम्पन्न गरेको छ ।
शनिबार दिउँसो वृत्त परिसरमा स्वास्थ्य शिविर गरिएको हो ।
वृत्तका प्रमुख प्रहरी नायब उपरीक्षक (डीएसपी) फडिन्द्र प्रसाईंका अनुसार शिविरमा ५ सय ३० जना प्रहरी कर्मचारी तथा प्रहरी परिवार लाभान्वित भएका छन् ।
शिविरमा चिरायु अस्पताल, वसुन्धराले प्राविधिक सहयोग गरेको थियो । महानगरीय प्रहरी दिवसको अवसरमा शिविर राखिएको हो ।
‘२४ सै घण्टा ड्यूटीमा खटिने प्रहरी अधिकारीका लागि अब हरेक ६/६ महिनामा शिविर आयोजना गर्ने गरी हस्पिटलसँग सम्झौता भएको छ’, प्रसाईंले भने ।
