२०७५ मंसिर ५ गते ७:५४ 
५ मंसिर, काठमाडौं । अन्तर्राष्ट्रिय मैत्रीपूर्ण खेलमा अन्तिम मिनेट जोगिन नसक्दा इटालीसँग अमेरिका पराजित भएको छ ।
बुधबार विहान आफ्नै मैदानमा भएको खेलमा इटालीले अमेरिकालाई १-० गोलअन्तरले पराजित गर्दै आफ्नो साख जोगाएको छ । इटालीको जितमा माटेयो पोलिटानोले गोल गरे ।
निकै कमजोर मानिएको अमेरिकासँग पनि इटालीले अन्तिम मिनेटमा मात्रै गोल गर्न सफल भयो ।
पहिलो हाफमा दुवै टिमले गोल रहित बराबरी खेलेका थिए । इटालीले खेल अवधिभर पूरै बल नियन्त्रणमा राखेको थियो । तर एकपछि अर्को प्रहार गरेको इटालीले गोल गर्न भने सकेन ।
खेलको अतिरिक्त समयमा पोलिटानोले गोल गर्दै इटालीलाई जित दिलाए । यता, अमेरिका भने बराबरी खेल्ने रणनीतिबाट भने विफल हुन पुग्यो ।
प्रतिक्रिया 4