११ मंसिर, काठमाडौं । म्यान्मारकी नेतृ तथा नोबेल शान्ति पुरस्कार विजेता आङसाङ सुकी र कम्बोडियाका प्रधानमन्त्री हुन सेन एकै दिन काठमाडौं आउने भएका छन् ।
प्रधानमन्त्री केपी शर्मा ओलीको निमन्त्रणामा दुबै जना बिहीबार नेपाल आउन लागेका हुन् ।
दुई दिने सद्भावना भ्रमणका लागि आउन लागेका उनीहरूले राष्ट्रपति विद्यादेवी भण्डारीसँग छुट्टाछुट्टै शिष्टाचार भेट गर्ने परराष्ट्र मन्त्रालयद्वारा जारी विज्ञप्तिमा उल्लेख छ ।
प्रधानमन्त्री ओलीसँग भेटवार्ता गरेपछि सुकी र सेन शुक्रबार नै आआफ्ना देश फर्कने छन् ।
